Haurren ametsetako jaiak marraztuz eta gauzatuz!

Umeek ere Sopelako jaietako antolakuntzan parte hartzeko aukera izan dute aurten. 

Horretarako, “ametsetako jaiak marraztuz” saioa antolatu genuen Jai Batzordetik: umeei zuzenean galdetu genien euren ametsetako jaiak nolakoak izango liratekeen, eta horretarako, euren jairik gustukoenak marraztu zituzten. Marrazki guztiak amaituta, erakusketa txiki bat antolatu genuen, eta haurrek ideia erakargarrienak bozkatzeko aukera izan zuten hilabetez.

Bigarren saioa “ametsetako jaiak gauzatuz” izan zen eta bertan umeekin asanblada bat egin genuen. Bertan, ideiarik bozkatuenak zeintzuk izan ziren azalduko genien eta beraiekin batera ideia horiek errealitatera nola eraman asmatzen ahalegindu ginen.

Haur eta gurasoen parte hartzearekin gure ametsetako jaiak marraztu eta gauzatuko Sopelako jaietan, Zipiriñen, “Haurren Ametsetako Gunea” izango dugu: Sopelako familiok egindako labirintoa, hondartzaren txokoa (ur-txorrotak eta harearen gunea), Sopelako umeek egindako lorategia... Horrez gain, animatu ostiraleko disko-festara mozorrotuta etortzera, mundiala izango da! Azkenik, gure buru-handiak egiteko tailer parte-hartzailea antolatu dugu, haur zein helduei zuzenduta eta San Pedro egunean Sopelako kalejiran aterako ditugu!

Larrabasterrako jaietan, akanpada familiarra egingo dugu, Iberrota plazan, ipuin kontalari eta guzti! Animatu eta ekarri zuen kanpadendak! Biharamunean, akanpadako umeentzat ibilalditxoa prestatu dugu traktorean! Izugarria!

Haurrek gure ametsetako jaiak marraztu dituzte eta orain familia artean gauzatuko ditugu, denon gozamenerako!

Jarrai dezagun haurren ametsetatik jai herrikoak antolatzen! 

Txiki zein handi, Gora Sopelako jai herrikoi eta parte-hartzaileak!

BURUHANDI Tailerra

Sopelako jaietan haurren ametsak errealitatera ekarriko ditugulako! hor doa, umeek eta haurrek proposaturiko tailerra:

 Sopelako umeek jaietarako iradoki zituzten ideien artean, bat BURUHANDIENA izan zen. Horregatik nork bere buruhandia egiteko tailerra antolatuko dugu, gero jaietan kalejiran ateratzeko asmoz. Beraz, umeak eta nagusiak gonbidatuta zaudete tailerrean zein kalejiran parte hartzeko. Zatozte!

 Buruhandiak egiteko kartoia, kartulinak, gomaespuma, birziklatzeko materialak… Etxean ditugun gauzen artean erabil ditzakegunak ere ekarri: kartoizko kutxak, oihalak, artilea, arrautzetarako ontziak, yogurt poteak, oparietarako paperak, birziklatzeko materialak, tapoiak, ilea egiteko gauzak… Hau da, buruhandia eraikitzeko bururatzen zaizuen edozer. Zuek etxetik ekarritako material berrerabilgarriekin eraikiko ditugu Sopelako buruhandiak! 

 Horrez gain, komenigarria litzateke partehartzaile bakoitzak bere buruhandiak zer pertsonaia izatea nahi duen pentsatuta ekartzea.

 Kamiseta zaharra ekar dezakezue, arropa ez zikintzeko. 

 Tailerra Kurtzion egingo dugu 2014ko Ekainaren 5ean 17:00etan.

 Zuen parte hartzea ere oso garrantzitsua da,

 Eskerrik asko!

ARETO-FUTBOL TXAPELKETA

Aste honetan hasi da SOPELAKO JAIETAKO ARETO-FUTBOL TXAPELKETA. Partiduak astean zehar jolasten dira, 19,00etatik aurrera, urko kiroldegian. Emaitzen jarraipenak gure blogean ikusgai izango dituzue; emaitzak.

Kanpai hotsak berreskuratuko dira San Pedro bezperan

Jai Batzordeak, hainbat urteren ostean, kanpai hotsak berreskuratuko ditu San Pedro bezperan.

Denboraren poderioz, dena ahazten doa,  urteak joan ahala ohiturarik zaharrenak ere desagertuz. Kanpaien hotsak komunikazio tresna  bezela erabili izan dira mendeetan zehar, eta Sopelan be, hauek ziren herrian mezulari lanak egiten zituztenak. 

Ekainaren 28an kanpaiak euren doinua jotzean, kaleak musikaz betez jakinarazten zituzten sopeloztar denak; jaiak bazetozen! Ta jaiak badatoz!

Aurten Jai batzordeak oihuta zahar hau berreskuratzera doa, horrela, San Pedro bezperan, bolanderak botatzearekin batera elizako kanpaiak joko dira, bost minutuz.

Ondo gogoratzen dituzte herriko nagusiek aspaldiko urte hoiek: " kanpaiak garrantzi handia izan dute Sopelan. Kanpaiek berba egiten zuten, Sopeloztarrei gertakarien berri emateko tresna itzela izan da, hildakoak, herriko suteak, jaien deia,..... kanpaien jotzeko era desberdina zan mezuaren arabera."

SOPELAKO BINAKAKO VIII.ESKUPILOTA TXAPELKETA

A TALDEA

1. Ager Martinez / Asier Onaindia
2. Benito / Gorka Ormaetxe
3. Lino / Atano
4. Mikel Landa / Beñat Nikolas

B TALDEA

5. Imanol Beristain / Egoitz 

6. Josu Ugarte / Gaizka Ibarzabal 

7. Imanol Ugarte / Txaber Rivero 

8. Lander Labajo / Uri

C TALDEA

9. Iratzar / Eñaut

10. Azibar / Ohianko

11. Imanol / Paul

12. Izagirre/ Ibai

Partiduak gaurtik aurrera hasiko dira. Hurrengo egunetan, zuen talde arduradunak, zuekin kontaktuan jarriko da zuen partiden ordutegia jakinerazteko. 

Talde arduradunen izen zenbakia:

A TALDEA: Asier 610 999 117

B TALDEA: Ager 625 537 440

C TALDEA: Izas 635 742 348

Animo eta sorte on!

2014ko JAIAK MARTXAN!

Badatoz udako jaiak eta bereziki San Pedro eta Karmeneko jaiak. Horregatik, Sopela eta Larrabasterrako Jai Batzordea osatzen dugunok, gogoz eta buru belarri  ari gara pasaden urtean bizi izan genuen jai giro paregabea mantendu edo hobetzeko nahian. Aurrekoetan bezala, jai  herrikoi, parte hartzaile, parekide eta euskaldunak egiteko lanean dihardugu.

Umeen aisialdi-partehartzailea sustatzeko helburuarekin, lanketa berezia.

Koadrilen jaitsiera eta eguneroko jokoak lantzen.

Sopela eta Larrabasterrako Herri bazkarien menua diseinatzen.

Ikuskizun desberdinak, ikusgarriak eta dibertigarriak.

Pregoilari bereziak.

Jaietako zapi handien kokaleku berria.

Gaueko Kontzertu anitzak.

Buruhandiak.

Jaien aurkezpenerako bideo berria.

Kirol txapelketa berriak.

Espero dugu, umeekin, koadrilekin, herriko elkarte eta taldeekin, udaletxeko zinegotzi eta kultur teknikarikein eta hainbat sopeloztarrekin landu dugun jai programazioa gustokoa izatea. Gaurtik aurrera eta jaiak heldu arte, antolatutako dinamika eta haietan parte hartzeko modua eta informazioa helarazten joango gara, berriztu berri dugun blog honen bitartez.

Laster arte.